Chumm mir wei es Liecht azünte
Dass es hell wird i der Nacht
Und dr ganze Wält verkünde
Was dr Himel üs het bracht

Die, wo truurig sy, söll's tröschte
Und ne säge, i bi da
Dass ir Not, ou i dr gröschte
Niemer söll alleini stah

Chumm mir wei es Liecht azünte
Dass es hell wird i der Nacht
Und dr ganze Wält verkünde
Was dr Himel üs het bracht

Zäme wei mer's wytertrage
Jede söll sys beschte gä
Mitenand, da chöi mer's wage
Ou di gröschte Hürde z nä

Ds Liecht, das söll für alli brönne
Niemer söll vergässe sy
Jedes söll a d Wermi chönne
Syg es no so winzig chly

Chumm mir wei es Liecht azünte
Dass es hell wird i der Nacht
Und dr ganze Wält verkünde
Was dr Himel üs het bracht

Lueg, wi's lüchtet uf de Gsichter
Tuusig Spiegle i dr Nacht
Bis es ganzes Meer vo Liechter
D Ärde hell und fründlech macht

Chumm, mir wei es Liecht azünte
Dass es hell wird i der Nacht
Und es ganzes Meer vo Liechter
D Ärde hell und fründlech macht